Қай жерде, мейлі, қай елде
Әлемнің мәні – Әйелде.
Шын мықты болсаң оныңды
Әйелге барып дәлелде!
Әйелсіз айтпан әнді мен,
Әйелмен дәмді әңгімем
Сүйкімді болсаң шынымен
Әйелің сүйсін алдымен!
Әйелге мәлім көп сырың,
Сүрінсең – әйел деп сүрін.
Халыққа сыйлы болмайсың
Әйелге болсаң жексұрын.
Әйелсіз қонды бақ қашан,
Әйел деп түстік отқа сан.
Әлемнің тілін таппайсың
Әйелдің тілін таппасаң!
Ананың сорып емшегін
Басылған талай кемсеңің.
Бәдік боп өмір кешесің
Бермесе әйел жень-шенін.
Болмасын әйел назалы,
Болмасын әйел жазалы.
Кеудесін қаққан талайдың
Әйелден болған ажалы!
Әйелден ыстық от бар ма?
Сол үшін түстік көкпарға.
Қарғағың келсе біреуді
Әйелің өлсін деп қарға!
Әйелмен құның өлшенер,
Құдайдан кейін – сол шебер.
Бақытты сен де болмайсың
Әйелің сорлы болса егер!
Сырыңды соған ашасың,
Шөліңді содан басасың.
Адамның күні әйелмен,
Әйелдер мәңгі жасасын!
Құдайдан кейін - сол шебер !
|

4 пікір
-
Сұлтанбекқызы ҚұралайЖүрсін Ерманның "Өмірдің мәні әйелде" атты өлеңі.8 жыл бұрын
-
Ақшолпан НҰРДӘУЛЕТКеремет! Әйел ол - ана, бір қолымен әлемді тербететін.8 жыл бұрын
-
Бөгенбай ЗИЯЛЫКелісемін.8 жыл бұрын
-
Қайрат Жолдыбайұлы"Құдайдан кейін сол шебер" деген жері артықтау.8 жыл бұрын
Блог туралы
Тікелей эфир
-
Дәурен жаңа жазба қосты: "Как развивается исламский банкинг в Казахстане и ч..."13 сағат бұрынНУРЛЫБЕК САБЫРГАЛИЕВ жаңа жазба қосты: "ҚЫДЫР АТА ТУРАЛЫ ҚЫЗЫҚТЫ ДЕРЕКТЕР..."15 сағат бұрынНУРЛЫБЕК САБЫРГАЛИЕВ "АУЫЛ ИМАМДАРЫ ОБЛЫСТЫҚ ДЕҢГЕЙДЕ САЙЫСҚА ТҮСТІ..." тақырыбын ұнатты.2 күн бұрынНУРЛЫБЕК САБЫРГАЛИЕВ "СӘЛӘФИЗМНІҢ БОЛАШАҒЫ ЖОҚ, КЕЛЕШЕГІ - БҰЛЫҢҒЫР..." тақырыбын ұнатты.2 күн бұрынНУРЛЫБЕК САБЫРГАЛИЕВ "ӘЛЕМДІК ДЕМОГРАФИЯЛЫҚ ЖАҒДАЙ: ӨЗГЕРІСТЕР, ҮРДІСТЕР..." тақырыбына пікір жазды.2 күн бұрынНУРЛЫБЕК САБЫРГАЛИЕВ "ШОҚАН АҒАРТУШЫ МА?..." тақырыбын ұнатты.2 күн бұрын2023, Islam.kz ұлттық, рухани-ағарту порталы
Сайт материалдарын қолдану үшін сілтеме көрсетуіңіз міндетті.